Bakkaflöt opnaði formlega gistiheimili í júní 1987.
Þá voru einungis 5 herbergi og veitingasalur. Í dag eru herbergin 18 í aðalhúsinu, 7 smáhýsi og 2 bústaðir, ásamt tjaldstæði, lítilli sundlaug og heitum pottum.
Árið 1993 komu Björn Gíslason og Vilborg Hannesdóttir til þess að kanna með siglingar á jökulsánum í Skagafirði. Þau voru stofnendur Bátafólksins sem var með siglingar frá Hvítá og gert var útfrá Drumboddsstöðum.
Uppfrá þessu var byrjað að sigla niður þessar ár og var samstarfið til 2002 milli Bakkaflatar og Bátafólksins þar til Bakkaflöt tók yfir siglingarnar og hét þá Bakkaflöt Flúðasiglingar. Björn Gíslason lést af slysförum árið 2000.
Á síðustu árum hefur meiri afþreying bæst við, litbolti, loftbolti, þrautabraut og kayak ferðir niður Svartá.
Bakkaflöt Flúðasiglingar er fjölskyldurekið fyrirtæki og hafa nú systkinin Finnur og Signý komið inn í fyrirtækið. Við erum stolt af því að fá til okkar sama starfsfólkið ár eftir ár bæði erlendis frá og innanlands.